تريزيجيه: سر نجاحي هو إجتهادي وإصراري على تحقيق الهدف بمساعدة أخويا

تحدث محمود حسن تريزيجيه لاعب طرابزون سبور التركي ومنتخب مصر، عن سبب تطور عقليته وقدرته على النجاح، في برنامج الكورة مع فايق ومقدمه إبراهيم فايق على إم بي سي مصر2.

قال تريزجيه:"أخويا الكبير أحمد من وأنا صغير وهو بيوديني أتدرب مع مدربين كبار علشان أتطور بشكل كبير، والموضوع أستمر معايا في الأهلي وفي الاحتراف، جاريدو هو سبب وجودي كوينج هجومي لأنني في البداية كنت لاعب وسط ملعب، والكابتن علي ماهر كان يقوم بتدريبي على استغلال الفرص وتسجيلها، أهتم بصحتي وأنام بشكل مبكر وأكلي صحي لا أحب الأكل الضار بالصحة أهتم كثيرًا بنفسي وهذا سبب نجاحي".

وواصل محمود حسن:"تطور عقليتي بسببي، أقوم بقراءة قرآن في الصباح وهو أهم من أي شيء في حياتي، ثم أتجه للتدريبات الخاصة وأهتم بها بشكل كبير حتي أتطور، كل يوم عند الاستيقاظ أبحث أن أكون نسخة أفضل من نفسي امبارح، وربنا مش بيضيع أجر اللي بيحسن عمله، مريت بظروف مختلفة كانت صعبة لكن ثقتي في ربنا وتعبي هما سبب نجاحي الكبير".

أردف تريزيجيه:"فلسفة النجاح عندي بسبب المطبات الكتير اللي مريت بيها في حياتي، مريت بشوية ظروف مختلفة هي اللي قوتني في حياتي، قعدت 4 سنين في الأهلي مش بلعب، لكن صبرت وكنت مؤمن بنفسي لحد ما الفرصة جاتلي، ووقت ما جاتلي أنا وصلت وأثبت نفسي للكل وهو دا الأهم وكل واحد بياخد رزقه في الحاجة اللي ربنا كاتبهاله".