"أتصرف حسب مشاعره وأحاسيسه وسنه"دوللي شاهين تعلق على أزمة عمرو دياب "خاص"

أعربت الفنانة اللبنانية دوللي شاهين دعمها للمطرب عمرو دياب في واقعة صفع الشاب بالقلم، وكان للأيام المصرية حديث خاص معها.

تحدثت الفنانة دوللي شاهين 

وعن رد فعل عمرو دياب بصفع أحد المعجبين لمحاولته التقاط صورة تذكارية معه، أوضحت سبب موقفها الداعم، قائلة: "المفروض أن عمرو دياب كان يتصرف إزاي، هو من حقه على نفسه أن محدش يتعرضله ولا يقل منه، ولو رد الفعل مبالغ فيه، كل بني آدم رد فعله بيكون حسب اللحظه والمود والأحاسيس وهو سنه برضه عامل إزاي، فأنا عذرا عمرو دياب، لأن أكيد حصل حاجة مش لطيفة خلته يخرج عن شعوره ويعمل كده".

ماذا لو كانت الواقعة مع مطربة

وأضافت دوللي شاهين عن اختلاف جمهور حفلات البنات والشباب، وقالت"لو بنت اللي بتغني بيكون ممنوع حد يطلع ع المسرح خالص، ولو حد طلع بتكون بنت زيها وبتستأذن، وأغلب البنات عموما بيكونوا محترمين في تصرفاتهم، وأنا  عن نفسي محصلش معايا موقف زي ده قبل كده لأن بيكون ممنوع".

دوللي شاهين تصرف الولد مش لائق ومحدش سمع هو قال إيه

واستكملت دوللي شاهين حديثها عن رد فعل الجمهور مع المطرب عمرو دياب قائلة: "عمرو دياب فنان بقاله سنين طويلة سمعته واضحه ومعروفه وأنه بيتعامل باحترام لنفسه قبل الناس، ففكرة أن يحصل حاجة فالناس تعلقله المشنقه فده أوفر، وحاجة تاني تصرف الولد مكنش لائق ومحدش يعرف هو قال إيه، وفي كل الحفلات ممنوع اي حد يتعرض لفنان رايح يفرح الناس ويبسطهم ويغنيلهم.. ليه يكون في رد من الموجودين بالشكل ده وبالسلبية دي.."

رد فعل عمرو دياب بتحرير محضر من حقه

أما عن رأيها في قيام المطرب عمرو دياب بتحرير محضر، قائلة: "كل الفنانين دلوقتي لما حد بيتعرضلهم أو يعملهم اي حاجة سواء سوشيال أو غيره بيعملوا محضر عشان هو في الأول بيحترم نفسه قبل ما يحترم الناس".

عمرو دياب يصفع احد المعجبين بالقلم

يشار إلى أن الفنان عمرو دياب قام بصفع أحد المعجبين الذي حاول أن يلتقط معه صوره تذكارية، وذلك أثناء احياءه حفل زفاف ابنة محمد السعدي.

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.