إسعاد يونس: "قبلت أكون الزوجة تانية عشان عمار بيتي.. وضرتي إنسانة"
تحدثت الفنانة إسعاد يونس، عن علاقتها بضرتها الفنانة الإستعراضية شيريهان، التي تزوجها زوجها علاء الخواجة منذ عدة سنوات ماضية.
إسعاد يونس الزوجة الثانية لـ علاء الخواجة
وقالت إسعاد يونس، إنها تقبلت فكرة الزوجة الثانية بسبب حرصها الشديد على استقرار منزلها، رغم أنها كانت في حالة صدمة في بداية الأمر.
ذكرت إسعاد، عبر لقائها ببرنامج "ABtalks" المذاع على موقع الفيديوهات "يوتيوب" مع الإعلامي أنس بوخش، أنها كانت في حالة صدمة وغيرة وبكاء، بسبب زواج زوجها عليها من الفنانة شيريهان.
وقالت “إسعاد”، “في الأول كنت في حالة صدمة وغيرة وبكاء، وبعدين قعدت أفكر هل أنا مثالية وجميلة الجميلات؟ لا طبعا، والراجل ده أنا بحترمه وممكن أتخلى عن كونه يتجوز مقابل أن يكون معي كل الكنز ده والاستقرار”.
وأضافت إسعاد: "كمان الولاد كانوا سبب كبير علشان أكمل في علاقة الزواج، وخصوصا بعد زواج علاء الخواجة للمرة الثانية، ولأن أفضال الراجل ده عليا كبيرة، ابتديت أهدى لأن الظروف جمعتني أنا وضرتي، ولقيتهم حبوا بعض، وهى شايفاني قدوتها، وهتخلف ويبقى في شراكة دم بينا، وولادنا هيبوقوا أخوات، وكان لازم أققبل بالوضع ده بشكل متحضر".
حبيت في شيريهان إنسانيتها وصمودها أمام المصائب
استكملت إسعاد يونس: "شيريهان كانت في الأول متضايقة من الهجوم اللي كان عليها، وأنا لو كنت طلبت منها عينيها كانت هتديهالي، وأنا حبيت فيها إنسانيتها بشكل كبير جدا، وقدرتها على تحمل المصايب وصمودها أمامها، واحتياجنا لبعض كان لأن بناتها مينفعش يتربوا في وضع مش صح، وبنعيش كلنا في حالة عائلية وسلام، وفي حالة من الاستقرار، وأنا مش مضطرة أدخل في حروب".
