الثلاثاء 16 يوليه 2024
رئيس التحرير
رضـــا حبيشى
الايام المصرية
رئيس التحرير التنفيذي
إسلام النحراوى
رئيس التحرير
رضـــا حبيشى
رئيس التحرير التنفيذي
إسلام النحراوى

"كنت بتمنى أدخل الحمام" محمد أنور يكشف أسرارا جديدة في حياته الشخصية

محمد أنور
محمد أنور

كشف الفنان محمد أنور عن الكثير من أسرار في حياته الشخصية قبل دخوله عالم الفن، وذلك خلال تصريحات تلفزيونية.

محمد أنور يكشف تفاصيل في حياته الشخصية

شارك محمد أنور مقطع فيديو من تصريحات تلفزيونية، تحدث فيها عن تفاصيل حياته الشخصية، وذلك عبر حسابه الرسمي على موقع تبادل الصور والفيديوهات “إنستجرام”.

وقال: مش عايز اتكلم بس شوفنا أيام صعبة جدا جدا جدا، انا عيشت تجربة المرض دي، بس طلعت من ده بأيه، بإن انت فاضي هوا، انت ملكش أي تلاتين لازمة، الدنيا دي فانية اسمها دنيا، والفقير اكتر واحد بيبقى عنده إصرار، لأنه معندوش حل تاني، لو مبقاش حاجة مش هيعرف يعيش، اما الغني بيبقى إصراره أقل، يعني لو مجتلوش الحاجة خلاص، يعني لو عايز يلعب كورة وهو ظروفه كويسة لو مجاتش تمام، لكن الفقير لو عايز يلعب كورة هيموت نفسه عشان يوصل لأنه عارف إن هي دي الوحيدة اللي هتنجحه، وهتخليه أحسن وأهله يبقى أحسن.

محمد أنور

وتابع: انت ممكن تاخد ظروفك دي دافع أيا كان المجال اللي انت عايزه، متقولش اصله مستحيل، احنا كان مستحيل، انا أبويا راجل سواق في هيئة النقل العام، يعني ابويا لا نجم ولا عمتي كانت في مبنى الاذاعة والتلفزيون، فتطلع فجأة تبقى فنان ونجم سينما وتنزل قدام ناس بقالهم عشرين سنة، فشوفنا ايام صعبة جدا، ومش طالع بتاجر بده لا ده انت طالع فخور بده، علشان الناس المفروض تفرح، إن ربنا كرمه ودخل وسط الناس التانية".

محمد أنور يحتفل بمولوده

اضاف محمد أنور: "أنا على طول بعيط، أولا بزعل على ناس كتير حالتها صعبة، ثانيا بحمد ربنا ما أنا كنت في الظروف دي برضو، أنا بعيط من الفرحة والله بجد، مش حاجة عيب ولا حاجة تضايق، بس انت علشان تطلع للناس دول دي حاجة صعبة جدا، الحمد لله وصلت للي أنا عايزه، دمعت في السينما عشان قولت أنا ازاي وصلت لده، وكنت بسمع كلام كتير يا ابني انت مش هتنفع، يا ابني البنات هي اللي بتوصل، وفي نفس الوقت بشوف بقى الناس اللي سمعت الكلام ده، لسه قاعدين على القهوة في المطرية".

كنت في الأول بقول للواحد ربنا يسامحك، بس دلوقتي في عيال بتروح المدرسة محبش يسمعوا حاجة تتضايقهم، وفيه زوجة وأهل، احساس الظلم صعب، سيب الناس تظلمك، لأن اللي هيرد عنك ربنا".

فيلم جوازة توكسيك

واستطرد أنور: أنا عيشت تجربة المرض دي، عملت عملية فتاك، هي المفروض مش بتاخد وقت ولا حاجة بس حصلتلي مضاعفات، قعدت بسببها في البيت شهرين، كنت بتمنى ادخل الحمام، والليه محدش عارف ايه الصح من الغلط، احنا بنتساق، فبتتساق علشان حاجات تانية، الدنيا ديه فانية، الأهم والله الآخرة، والله أنا حلمي أخش الجنة، نفسي ربنا اعمل حاجة حلوة فيدخلني الجنة.

 موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.

تم نسخ الرابط