أكبر كذبة صدقناها كبدة العربيات من حيوان "الكلاب" (فيديو)

لو سألت أي حد في الشارع هي ليه كبدة العربيات رخيصة هيقولك من غير تفكير عشان كبدة كلاب، ولكن في الحقيقة مفيش حاجة اسمها كده وتعالى أعرفك الحقيقة.

سبب إطلاق اللقب على كبدة الشوارع

لو سألت أي حد في الشارع هي ليه كبدة العربيات رخيصة هيقولك من غير تفكير عشان كبدة كلاب لكن في الحقيقة مفيش حاجة إسمها كده وتعالي أعرفك الحقيقة.
كبدة الكلاب صغيرة جدا وعشان يعملوا منها كمية السندوتشات دي أقل واجب لازم يخلصوا على كلاب البلد كلها هتقولي طيب إزاي كل حاجة بتغلي وسندوتش الكبدة زي ماهو ب 4 و 5 جنيه ولو سألته كمان هيقولك عشان العيش والطحينة بتغلي ومش بيجيب سيرة الكبدة نفسها مع إنها هي كمان بقت غالية.

السبب في ده بقى إن معظم الكبدة اللي بتكون في العربيات مجهولة المصدر ومستوردة  علشان فيه بلاد كتيرة الكبدة مش مستحبة عندهم فبيصدروها للدول العربية بأي سعر وده اللي يفسر ليه سعرها قليل كده ومن فترة طلع إشاعة ناس كتيرة صدقتها قالت إنها عبارة عن دم متخلط ومتجمد لكن المتخصصين طلعوا وقالوا ان الكلام ده غلط ولو هي فعلا كده أول ما هتلمس النار هتسيح.
يعني بإختصار أكيد مش منطقي يكون سندوتش الكبدة جودته عالية وهو بالسعر ده بس الحاجة الأكيدة إنها مش كبدة هوهو.

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.