تريزيجيه: لعبت وانا مصاب البطولة الأخيرة وصلاح كان بيدعمنا قبل كل مباراة

تحدث محمود حسن تريزيجيه لاعب فريق طرابزون سبور التركي ومنتخب مصر، عن المنتخب في البطولة الإفريقية الأخيرة والمباراة التي تأثر بها، مع إبراهيم فايق في برنامج الكورة مع فايق المذاع على قناة إم بي سي مصر2.

قال تريزيجيه:"جالي فيروس من الأكل في كوتيفوار، وانا بصلي الفجر وقعت وأغمي عليا قبل مباراة للمنتخب في أمم أفريقيا، معرفتش أنام قبل ماتش الكونجو لكن طلبوا مني أني أجي على نفسي وألعب وانا ممانعتش بالكلام دا ولعبت لان مكانش في حد لكن للأسف خرجنا من البطولة".

واصل تريزيجيه:"صلاح أتكلم معانا قبل ما يمشي وقبل كل ماتش على التليفون كان بيكلمنا يشجعنا، ويقولنا بالتوفيق يا رجالة أنتم أمل المنتخب الكبير وتقدروا تعملوا حاجة".

أردف محمود حسن:"مباراة غينيا بيساو كانت أجوائها صعبة، اللي بيتكلم في التكييف غير اللي عايش الظروف، الملعب مش مساعد والطقس كمان كان صعب مش بحب الأعذار وهي مش مبرر، لكن الحقيقة ان الأجواء مكانتش سهلة خالص لكن قدرنا نطلع بأقل الأضرار".

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.