الفنانة شيرين رضا تعلن اعتزالها، تعرف على مسيرتها الفنية

أثارت الفنانة شيرين رضا جدلا خلال الساعات الماضية بعدما نشرت منشور على استوري حسابها الرسمي بموقع الإنستجرام حيث كتبت "كفاية كده قررت الاعتزال" حيث أعلنت خبر اعتزالها بشكل مفاجيء دون توضيح للأسباب. 

"كفاية كده قررت الاعتزال" جملة كتبتها الفنانة شيرين رضا على استوري الإنستجرام واللي بتعلن فيها خبر اعتزالها بشكل مفاجيء ومن غير توضيح. 

مسيرة شيرين رضا الفنية 

بدأت شيرين رضا حياتها كموديل وهي عندها 11 سنة، وأول عمل ليها كممثلة كان في البرنامج التليفزيوني فوازير الفنون سنة 1989 واللي كان أكبر البرامج من النوع ده وقتها.
وتاني ظهور كان سبب في شهرتها هو أدوارها في الفيلمين "نزوة" و "حسن اللول" مع الفنان أحمد ذكي في 1996 و1997، أما دورها في فيلم "خارج الخدمة" في 2015 كان السبب في إنها تحصل على جايزة أحسن ممثلة في مهرجان القاهرة السينمائي الدولي في نسخته الـ 42 واللي كانت طالعة فيه بدور هدى أرملة برجوازية بتتفرج على العالم من برة وبتتعرف على أحمد الفيشاوي الشاب المشرد وبتبدأ الاتجاه لطريق تعاطي المخدرات.
وبعدها حصلت شيرين على جايزة أفضل ممثلة في دور رئيسي في مهرجان القاهرة عن دورها في فيلم "فوتوكوبي"، ده غير أدوارها في المسلسلات اللي مش ناسيينها زي فوق مستوى الشبهات ولا تطفئ الشمس ولدينا أقوال أخرى وحجر جهنم.

وتم اختيار شيرين كأحد حكام لجنة تحكيم مسابقة الفيلم العربي في مهرجان القاهرة السينمائي الدولي في نسخته الـ 41 مرورا بأدوارها  في فيلم قمر 14 ومسلسل في العالي والكبير أوي وطبعا مش هننسى دورها في المسلسل العائلي وبينا ميعاد قصاد الفنان صبري فواز أما بالنسبة لمشاركتها في فيلم الملحد فكشفت مصادر إنها أنهت تصوير الفيلم وبالتالي اعتزالها مش هيأثر عليه.

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.