الإثنين 24 يونيو 2024
رئيس التحرير
رضـــا حبيشى
الايام المصرية
رئيس التحرير التنفيذي
إسلام النحراوى
رئيس التحرير
رضـــا حبيشى
رئيس التحرير التنفيذي
إسلام النحراوى

"كبسولة موندي" كيف استطاعت أن تحول المـوتى لأشجار مختلفة؟

كبسولة موندي
كبسولة موندي

اخترع الزوجان آنا سيتيللي وراؤول بريتزل كبسولة تسمى كبسولة موندي وهي بمثابة تابوت وكفن معا بديلا للتابوت التقليدي مدخلين بها مواد عضوية قابلة لتحلل وبشكل بيضة كرمز للحياة والولادة.

تخيل كده بعد ما تفارق الحياة تلاقي نفسك بقيت شجرة! شيء لا يصدكه عكل على رأي شويكار، كلنا عارفين الخطوات اللي بتحصل بعد ما الانسان يودع الدنيا.. لكن هتستغرب لما تعرف إنهم اخترعوا كبسولة بيتزرع فيها الانسان وبيتحول شجرة بصراحة أنا مقدرة موقفك أكيد وانت بتسمع الكلام ده هتقول إيه الهبل ده؟ بس الكلام ده مش هبد.

كبسولة موندي اخترعها الزوجين آنا سيتيلي وراؤول بريتزيل في إيطاليا ، اللي بيحصل إن الانسان وهو عايش بيختار نوع الشجرة اللي حابب يتحولها نوع من أنواع الديموقراطية وحرية الرأي، فبيزرعوا البذور في الأرض وبعد ما يفارق بيتحط في البيضة كأنه لسه في بطن مامته.

طبعا البيضة دي معمولة من بلاستيك النشا اللي بيسمح للمادة العضوية تتحول لمعادن وبكده الأرض هيوصلها مغذيات للكائنات النباتية، ده غير إن البكتريا اللي موجودة في التربة هتفكك البلاستيك الحيوي فهتبدأ الشجرة في النمو ومع الوقت الكبسولات دي هتتحول لحدايق تذكارية كاملة كلها أشجار بدل القبور.

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.

تم نسخ الرابط