ماجدة خير الله تهاجم أفلام بيومي فؤاد ومسرح مصر "خاص"
كشفت الناقدة ماجدة خير الله، أننا نعاني من أزمة في صناعة السينما، رغم وجود استثناءات فردية تنحت في الصخر كي تظهر في المهرجانات.
ماجدة خير الله تهاجم الأعمال الفنية الهابطة
قالت الناقدة ماجدة خير الله في تصريحات خاصة لموقع الأيام المصرية، إن السينما المصرية تعاني أزمة من عشرات السنين.
قائلة: عندنا أزمة مليون في المية، طبعا عندنا استثناءات ناس بتكافح وبتنحت في الصخر علشان تنتج فيلم وتروح بيه مهرجان كان أو أي مهرجان كبير بس دي جهود فردية، وغالبا الأفلام دي ملهاش صدى هنا".
وتابعت: الأفلام ليس لها صدى لأن السينمات هنا مملوكة لأفراد للأسف بتفضل ممكن فيلم سخيف لـ بيومي فؤاد وشوية .. تحت بند كوميديا، وبتاع ومسرح مصر وشوية الناس دي، على إنهم يعرضوا فيلم ذو قيمة".
وأوضحت “خير الله” أن المنتجين يفضلون إنتاج أفلام سريعة كي تطرح في الإجازات ومواسم الصيف والأعياد.
قائلة: “اللي بينتج بيقولك يلا أنتج فيلم بسرعة عشان ينزل في العيد ولا في الصيف، عشان ألحق العيال في الاجازة، عشان اجمعلي قرشين، محدش بينتج سينما سينما”.
واختتمت “خير الله” قائلة: زمان كانت دور العرض مملوكة للدولة، بتشرف عليها وزارة الثقافة فكانت بتعرض كل أنواع الأفلام، زي أفلام عاطف الطيب، أفلام لها ثقل فني، للأسف السينما تدهورت خلال الخمسة وعشرين سنة الأخيرة بشكل واضح، الأفلام اللي بتتعمل بتتعمل بجهود ذاتية، للأسف لما كمان بيعملها وياخد جايزة، ويرجع مش بيلاقي حد يعبره برضو، فيفضل يكافح لوحده تاني علشان ينتج فيلم تاني، عشان كده السينما المصرية في أزمة حقيقية".
موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.
