الحلزون بينام 3 سنين متواصلة.. ومش بيعيش أكتر من 5 سنين؟
بتسمع عن الحلزونة؟ مش اللي الزعيم أتكلم عنها لأ.. الحلزونة اللي بجد بقى، تعرف إنه كائن غريب جدا الحلزون ده، وعشان متقوليش اسمه الحلزونة فاحب اقولك إن الاتنين واحد، مش بقولك حيوان غريب.
معلومات عن الحلزون
"الحلزون" عبارة عن كائن ذكر وأنثى في نفس الوقت، يعني اتنين في واحد ومتقوليش إزاي، وده معناه برضوا إنه بيتكاثر ذاتيا، أنا بفترض معاكم أسئلة نص الليل بقى.
عارف أنت ماما لما بتقعد تتخانق معاك وتقولك أنت مقضي حياتك كلها نوم وبس؟
هو الحلزون بقى حيوان بيعمل بالجملة دي بحذافيرها، تحس إنه يعرف ست الحبايب من بعيد حبتين،
وتعالى اقولك ليه، الحلزون كائن عمره مبيعديش 5 سنين في الغالب، لكنه بينام 3 سنين متواصلة.. أنت متخيل؟
طعام حيوان الحلزون
وكمان هو كائن كيوت، بياكل خضروات وفاكهة وأعشاب، ولو حس بالبرد أو في حد هيفترسه بيستخبى جوه نفسه، وعلشان هو كائن كيوت فكمان هو كائن تنك، أيوة زي أصحابك خريجين إعلام إنجلش بالظبط، تحسهم مش بيمشوا معانا على الأرض عادي، وعلشان كده فالحلزون مش بيمشي على الأرض، ده بينتج مادة لزجة بتعمل طيف على الأرض ويمشي عليها بحيث إنه ميلمسش الأرض بجسمه، إيه يجماعة التناكة دي؟
موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.